ببساطة، ده الحساس المسؤول عن مراقبة وقياس كمية الهواء اللي داخلة للمحرك بدقة عالية. أول ما الهواء بيمر من خلاله، بيبعت إشارة فورية لكمبيوتر العربية يبلغه بالكمية بالظبط، وبناءً عليه الكمبيوتر بيحدد كمية البنزين المناسبة اللي تضمن أفضل عملية حرق.
مكانه فين؟
بيكون مكانه على خرطوم السحب (الانتيك) بعد فلتر الهواء مباشرة وقبل البوابة، عشان يضمن قياس الهواء بعد تنقيته من الشوائب.
أشهر علامات تلف حساس الـ MAF:
1. زيادة ملحوظة وغير طبيعية في استهلاك البنزين.
2. عدم انتظام في دوران المحرك (تفتفة وبرجلة) خاصة وأنت واقف، مع تذبذب في عداد الـ RPM، وممكن المحرك يفصل منك تماماً.
3. ظهور لمبة الأعطال (Check Engine) على التابلوه، وعند الفحص بتظهر أكواد بتبدأ من P0100 لحد P0104.
دي كانت معلومة سريعة ومبسطة عشان تفهم ميكانيكا عربيتك بشكل أسهل.
